UHURU SASA ATAKA KUFUNGA, MAFANIKIO ILI AREJEE TAIFA STARS

UHUSU (WA PILI KUSHOTO) AKIWA NA WACHEZAJI WENGINE WA ROYAL EAGLES.

Mshambuliaji wa Royal Eagles, Uhuru Selemani amesema anataka kufanya vizuri zaidi ili apate nafasi katika kikosi cha Taifa Stars.

Uhuru aliyewahi kuzichezea Simba na Mtibwa Sugar, amesema bado anataka kuwa kati ya wachezaji wanaolisaidia taifa.

“Nakumbuka kipindi kile niko kwenye kikosi cha Taifa Stars ya Marcio Maximo. Utaifa ni kitu kikubwa sana kwa mtu ambaye anataka mafanikio ya nchi yake.

“Bado natamani kuwa miongoni mwa wale wanaotoa msaada kwa taifa langu.

“Lakini ninajua ili nipate nafasi hiyo, lazima nizidi kujituma na kufanya vizuri katika kikosi cha timu yangu hapa,” alisema.

Tayari Uhuru amefunga mabao mawili katika mechi zake mbili za Ligi Daraja Afrika Kusini akiitumikia Royal Eagles ya jijini Darbun.