ANGALIA WAFANYAKAZI WA HOTELI YA KISASA YA SAPPHIRE COURT WALIVYOUNGA MKONO KWA VITENDO KAULI YA MAGUFULI KUFANYA USAFI

Rais John Magufuli ameamua badala ya kusherekea miaka 54 ya uhuru wa Tanganyika tukiwa nyumbani, badala yake, tuingie mitaani na kufanya usafi kupambana na uchafu ambao umesababisha magonjwa kama kipindupindu.

Wafanyakazi wa Hoteli maarufu ya Sapphire Court ya Kariako jijini Dar es Salaam nao waliingia mtaani na kuungana na majirani zao kufanya usafi katika mitaa ya Kariakoo.

Wafanyakazi hao wakiwa wamevalia sare zinazoonyesha watu Fulani walio makini, walifanya usafi kwa zaidi ya saa moja kuanzia eneo la hoteli hiyo hadi nyumba jirani.

Walifanya usafi barabarani, kwenye mitaro na hata karibu na nyumba za jirani zao na baadaye wakamalizia katika eneo la hoteli hiyo ambalo halikuwa na kazi kubwa kwao kwa kuwa inaonyesha limekuwa likifanyiwa usafi mara kwa mara.