DUA ZA MWAMBENE HAZIJASAIDIA KITU, ASHUHUDIA CHELSEA IKICHAPWA 1-0 NA KIBONDE BOURNEMOUTH, TENA DARAJANI

MWAMBENE AKIWA NDANI YA UWANJA WA STAMFORD BRIDGE JIJINI LONDON, LEO AKISHUHUDIA MECHI KATI YA CHELSEA AMBAYO ILILALA KWA BAO 1-0 DHIDI YA BOURNEMOUTH.

 Chelsea imeendelea kuwa “shamba la bibi” baada ya kupoteza pointi tatu nyingine tena nyumbani Stamford Bridge, London.

Mdau Rodrick Mwambene alikuwa uwanjani, alikuwa ametanguliza dua zake akiwa ndani ya Uwanja wa Stamford Bridge kuishangilia timu yake ambayo imekuwa ikienda kwa kusuasua.

Lakini dua za Mwambene hazikusaidia kitu baada ya Chelsea kutwanga kwa bao 1-0 mfungaji akiwa ni Grand Murray.

Chelsea ndiyo waliotawala mchezo kwa takribani dakika zote 80 hadi Bournemouth walipopata bao katika dakika ya 81 Murray akimalizia kwa kichwa.

Licha ya kuonekana kulikuwa na mazingira ya offside, lakini haikusaidia kuiokoa Chelsea ambayo imekuwa ikipoteza na kuingia kwenye rekodi ya bingwa aliyeboronga zaidi.