JEURI YA FEDHA, AKILI YA BIASHARA: RONALDO AFUNGUA HOTELI NNE

Mshambuliaji nyota wa Real Madrid, Cristiano Ronaldo amefungua hoteli nne alizozipa jina la CR7.

Hoteli hizo nne zitakuwa katika miji mitatu tofauti ya

Funchal, Lisbon nchini Ureno, Madrid nchini Hispania na New York nchini Marekani.

Mradi huo wa Ronaldo mwenye umri wa miaka 30, utamgharimu pauni milioni 54 kwa wakati mmoja na zitakuwa chini Pestana Group ambao ni moja ya wataalamu wa masuala ya hoteli kubwa duniani.

Ronaldo amewaambia waandishi wa habari wakati wa uzinduzi wa hoteli hizo kwamba anajua hatacheza soka milele.

“Mpira una muda wake, itafikia wakati sitacheza tena soka. Lakini nitahitaji kuendeleza maisha kama kawaida, ndiyo maana ninawekeza,” alisema Ronaldo.