SOMA HAPA UPATE SOMO WALILOPEWA WAANDAAJI WA MAPINDUZI

Kamati iliyokuwa ikisimamia michuano ya Kombe la Mapinduzi, imetakiwa kuwa makini katika uchaguzi wa timu shiriki ili kuongeza nguvu ya ushindani.

Kocha wa URA, Fredi Munjunsi, ambaye timu yake ndiyo iliyotwaa ubingwa wa michuano hiyo juzi, alisema wanatarajia kurejea mwakani kutetea ubingwa wao lakini akashauri kuwa kamati inatakiwa kuzikaribisha timu zenye changamoto kubwa na siyo ilimradi zishiriki tu kwenye michuano.

“Kunatakiwa kuwe na timu zenye ushindani mkali na siyo zishiriki tu bila kuwa na msaada, kama tulivyo sisi, tumekaribishwa na tumetwaa ubingwa,” alisema kocha huyo.

Wakati huohuo, Mtibwa Sugar ambayo imeshika nafasi ya pili katika michuano hiyo, kocha wake Mecky Maxime amedai kuwa tatizo hawakuwa na bahati.

"Imeniuma sana kwani tunajiona kama tuna bahati mbaya ya mashindano haya, kwa sababu tumetinga fainali mara tano lakini ni mara moja tu ndiyo tuliyofanikiwa kuibuka mabingwa. Tulicheza vizuri sana mwaka huu, tunarudi nyumbani kujipanga,” alisema Maxime.

MABINGWA WA KOMBE LA MAPINDUZI

Mwaka   Bingwa      Wa Pili

2007:      Yanga          Mtibwa 

2008:      Simba          Mtibwa 

2009:      Miembeni     KMKM

2010:      Mtibwa         Ocean View

2011:      Simba          Yanga

2012:      Azam           Jamhuri

2013:      Azam           Tusker

2014:      KCCA           Simba

2015:      Simba          Mtibwa 

2016:      URA             Mtibwa