YANGA KUPIGA MAZOEZI YA MWISHO LEO, KESHO SAFARI YA KUWAFUATA WAARABU WA ALGERIA

Kikosi cha Yanga kitafanya mazoezi yake ya mwisho jijini Dar es Salaam, leo jioni.

Yanga watafanya mazoezi hayo kabla ya kuondoka kwenda Algeria kuwafuata MC Alger ya Algeria katika mechi ya pili ya Kombe la Shirikisho.

Katika mechi ya kwanza, Yanga iliwavurumisha Waarabu hao kwa bao 1-0 na italazimika kufanya kazi ya ziada kuhakikisha inalinda ushindi huo.

Mazoezi ya mwisho ambayo yatafanyika jijini Dar es Salaam yatakuwa ya mwisho kabla ya Yanga kuanza safari ya kwenda Algeria kesho.

Yanga ndiyo wawakilishi pekee wa Tanzania katika michuano ya kimataifa baada ya Azam FC kung’olewa na Mbabane Swallows ya Swaziland.