FIFA YAIPA HESHIMA MADRID, MASHABIKI WAKE PIA KUFAIDIKA NAYO

Shirikisho la Soka la Kimataifa (Fifa) limetoa heshima kwa Real Madrid ya Hispania kutumia nembo ya ubingwa wa dunia kama heshima kwa miezi 12.

Heshima hiyo inatokana na Madrid kuutwaa ubingwa wa dunia mara mbili mfululizo na kuweka rekodi mpya ya kuwa timu ya kwanza kuutetea ubingwa huo.

Mwaka jana, Madrid iliubeba ubingwa huo nchini Japan na safari hii imeubeba katika jiji la Abu Dhabi, Falme za Kiarabu (UAE).

Heshima hiyo kwa Madrid, itakuwa faida kwa mashabiki wake watakaonunua jezi hizo kwani zimewekwa hadi katika jezi zitakazouzwa kwa mashabiki.