Baada ya kuhudhuria mchezo wa jana kati ya Simba dhidi ya Kagera Sugar katika mchezo wa ligi uliopigwa Uwanja wa Taifa, Dar es Salaam, Rais wa Jamhuri ya Muungano wa Tanzania, John Magufuli, amewataka Simba wawe wa kwanza kufanya vizuri kimataifa.
Katika mchezo huo ambao Simba ililala kwa bao 1-0, mapema baada ya kumalizika Magufuli alieleza licha ya kutwaa ubingwa wa ligi ni vema sasa wakachukua na Kombe la Klabu Bingwa Afrika.
Magufuli alihudhuria mechi hiyo kwa lengo maalum la kuwakabidhi Simba kombe la ligi walilotwaa msimu huu sanjari na Serengeti Boys waliokabidhi taji lao kwa Magufuli kufuatia ushindi wa CECAFA (U17) nchini Burundi mwaka huu.
Uwepo wa Rais Magufuli ulikuwa wa kwanza kuonekana katika mechi ya ligi tangu aingie madarakani ambapo jana alishuhudia mbashara mechi ya Simba na Kagera.
Ni vyema, angeisemea Yanga na Ngorongoro ambazo ziko mashindanoni au analishwa maneno au na yy analeta ushabiki.
ReplyDelete