UONGOZI YANGA WATOA TAHADHARI HII WACHEZAJI

Na George Mganga

Ikiwa imebakia siku moja pekee kuelekea pambano lake dhidi ya Singida United, uongozi wa Yanga umetoa tadhari kwa wachezaji wake ili kupata matokeo kirahisi.

Kwa mujibu wa Mwenyekiti wa Kamati ya Usajili na Mashindano, Hussein Nyika, amewataka wachezaji wa timu hiyo kuhakikisha wanafuata maelekezo ya kocha wao.

Nyika amefunguka na kuwasisitiza wachezaji vema wakawa wanatumia vema nafasi wanazozipata uwanjani ili kuipa timu matokeo ambayo yataendelea kuiweka kileleni timu.

Aidha, Nyika ameeleza ni vema pia wakawa makini na aina ya uchezaji wao ili kuepuka kupatwa na majeraha jambo ambalo linaweza likawawa pigo kwao.

Wakati akinena hayo, kikosi cha Yanga kitajifua kwa mara ya mwisho leo kabla hawajakutana na Singida kwenye Uwanja wa Taifa ambapo mechi itachezwa saa 1 usiku.