WACHEZAJI HAWA WAUMIZWA KICHWA NA MBELGIJI SIMBA

Washambuliaji wa Simba, Meddie Kagere na John Bocco, wameonekana kumuumiza zaidi kichwa kocha mkuu wa kikosi hicho, Mbelgiji, Patrick Aussems, baada ya kutamka wazi kwamba, washambuliaji hao bado hawajaelewana vizuri.

Bocco aliyejiunga na Simba msimu uliopita akitokea Azam FC, huku Kagere akijiunga na Simba msimu huu akitokea Gor Mahia ya Kenya, juzi Jumamosi walishindwa kuibeba timu hiyo ilipocheza dhidi ya Ndanda na kutoka suluhu katika mch­ezo wa Ligi Kuu Bara kwenye Uwanja wa Nangwanda Sijaona, Mtwara.

Aussems amesema washambuliaji hao pamoja na Emmanuel Okwi ambao kwenye mchezo huo walianza pamoja kikosi cha kwanza, walishindwa kuele­wana na kusababisha timu kukosa mabao ya kuwapa ushindi.

“Tatizo la ush­ambuliaji limetokea na ndiyo maana tumeshindwa kupata mabao kwenye mchezo huu, ukiangalia washam­buliaji wangu hawakuwa na maelewano mazuri.

“Bocco na Kagere am­bao wao walicheza kwa muda mrefu, bado hawajaelewana, hapa inabidi nifanye kazi ya ziada kuhakikisha kabla hatujafika mbali waweze kuwa na maelewano mazuri uwanjani ili iwe faida kwa timu,” alisema Aussems.