CHAMA, OKWI WAZIMA KELELE ZA YANGA SC

EMMANUEL Okwi na Claytous Chama jana walifanikiwa kuipa ushindi Simba wa mabao 3-0 dhidi ya Stand United kwenye Uwanja wa Taifa jijini Dar, na kuufanya mji kuwa kimya kutokana na kuzima kelele za Yanga. 

Ushindi huo wa Simba umetokana na mabao ya Chama dakika ya 30 na Okwi dakika ya 45 ikiwa ni muda mfupi kabla ya timu hazijaenda mapumziko. 

Eric Mulilo alijifunga dakika ya 77 na kuhitimisha ushindi

huo mnono wa Simba. Ushindi huo umejibu ushindi ambao Yanga iliupata juzi baada ya kuifunga Alliance 3-0 kwenye uwanja huohuo. 

Katika mchezo huo wa Ligi Kuu Bara jana Jumapili, Simba ilionekana kuwa na shauku kubwa ya kuondoka na ushindi kwani muda mwingi ilikuwa ikilishambulia lango la Stand United.

Juhudi zao hizo walizoanza kuzionyesha tangu mwanzo wa mchezo, zilizaa matunda kwa mabao hayo ya kideoni yaliyofugwa kwa ustadi wa hali ya juu. 

Hata hivyo, wachezaji wa kikosi hicho akiwemo Kagere, Okwi, Shiza Kichuya na wengineo, wanatakiwa kujilaumu kutokana

na kukosa nafasi nyingi za wazi za kufunga mabao. 

Simba imepata ushindi huo ikiwa ni siku chache baada ya Yanga kuifunga Alliance mabao 3-0 uwanjani hapo ambapo mashabiki wao walianza kusumbua mjini, lakini sasa kelele zao zimezimwa kutokana na idadi hiyo ya mabao kulipwa. 

Ushindi huo umeifanya Simba kufikisha pointi 17 ikikamata nafasi ya tatu nyuma ya Yanga yenye pointi 19. Kinara ni Azam yenye pointi 21. Simba imecheza mechi nane, Yanga saba, Azam tisa.

Matokeo ya mechi nyingine; Mbao 1-0, mfungaji Said Khamis dakika ya 48, na katika mchezo wa awali Lipuli 0-1 Kagera.