KIPIGO CHA YANGA CHAIWEKA PABAYA BIASHARA UNITED

Kipigo walichotoa Yanga cha mabao 2-1 kwa Biashara United kimezidi kuiweka katika nafasi ngumu timu ya Biashara United kwenye Ligi Kuu Tanzania Bara baada ya kucheza jumla ya michezo 15 na kushinda mchezo mmoja.

Biashara united ilifanikiwa kushinda mchezo mmoja dhidi ya Singida United, mpaka sasa imepoteza jumla ya michezo 7 na kutoa sare michezo 7 inayoifanya iwe nafasi ya 20 na pointi zake 10.

Kocha wa Yanga, Mwinyi Zahera amesema kuwa alikutana na timu makini ila aliwaambia wachezaji wake wacheze kwa nidhamu ili kupata matokeo.

"Biashara United ni timu nzuri nami naogopa kucheza na timu ambazo zipo nafasi ya chini, bado tuna kazi kubwa katika michezo yetu inayofuata kwa kuwa ligi bado inaendelea wana nafasi ya kufanya vizuri," alisema.