Kocha Mkuu wa timu ya Coastal Union ya Tanga, Juma Mgunda amesema kuwa hakutarajia uwezo ulionyeshwa na mchezaji wake Ali Kiba katika mchezo wake wa kwanza dhidi ya Mbeya City kwa namna alivyopambana kuisaidia timu yake.
Mgunda amesema kuwa anamtambua Kiba vizuri hasa kwenye suala la kipaji na uwezo wake ila kutokana na kuwa na majukumu mengi alishindwa kucheza kwenye mechi nyingi hali iliyozua maswali kwa mashabiki.
"Kiba ni mchezaji makini na anayejua kazi yake hasa akiwa ndani ya uwanja, hivyo alichokionyesha kwa muda wa dakika 64 kimewapa majibu wale ambao walikuwa hawaamini kwamba anaweza kufanya kazi yake kwa ufasaha.
"Nimemtabua Kiba muda mrefu hivyo sikuwa na mashaka juu ya uwezo wake, alichokifanya kwa muda mfupi tena katika mchezo mgumu kama ule anamaanisha tutashuhudia mengi msimu huu ligi kuu kutoka kwake," alisema.
Kiba alicheza mchezo wake wa kwanza rasmi jana kwa kuwa mchezo wa kwanza dhidi ya Kagera Sugar aliingia dakika ya 89, katika mchezo wa jana alitolewa dakika ya 64 nafasi yake ikachukuliwa na Deogratius Anthony.
0 COMMENTS:
Post a Comment