MBAO NA AFRICAN LYON HAKUNA MBABE LEO, YANGA WANAPETA

Kikosi cha Mbao FC leo kimekubali sare ya kutofungana bao dhidi ya African Lyon katika mchezo uliochezwa uwanja wa CCM Kirumba Mwanza.

Matokeo hayo yanazifanya timu hizo kuongeza pointi moja katika Ligi Kuu hali inayoifanya Lyon kuishusha Tanzania Prisons nafasi ya 18 na Mbao kuishusha Kagera Sugar nafasi ya 7.

Mshambuliaji wa timu ya Mbao mwenye mabao 5 Said Hamis amesema kuwa ni sehemu ya matokeo hivyo wanajipanga kwa ajili ya mchezo wao unaofuata.

Yanga wanaendelea kuwa kileleni wakiwa na pointi zao 41 huku Azam FC wakiwa nafasi ya pili baada ya kufikisha pointi 40 baada ya jana kupata sare ya kufungana mabao 2-2 dhidi ya KMC.