Kocha mkuu wa Simba, Mbelgiji, Patrick Aussems ameweka wazi kuwa akili yake ipo kwenye mambo mawili tu kwa sasa ambayo ndiyo anayapa kipaumbele zaidi kwenye timu yake.
Tayari Kocha wa Yanga, Mwinyi Zahera alishaweka wazi anachotaka ni ubingwa, lakini Aussems imekuwa kama anatuma ujumbe kwa Mkongo huyo kwamba, kazi bado pevu maana Simba nao wanautaka ubingwa.
Aussems amesema kuwa licha ya kukabiliwa na mchezo mgumu wa hatua ya makundi ya Ligi ya Mabingwa Afrika dhidi ya Al Ahly lakini anachotakiwa ni kuhakikisha anachukua ubingwa wa msimu huu.
Simba imeondoka jana jioni kuelekea Misri kwa ajili ya mchezo wake wa huo wa hatua ya makundi utakaopigwa keshokutwa Jumamosi, mwaka huu kwenye Uwanja wa Borg El Arab uliopo Alexandaria, Misri.
Mbali ya Simba kushiriki Ligi Mabingwa Afrika inakabiliwa na mechi sita za viporo katika Ligi Kuu Bara huku nyuma kwa pointi 20 mbele ya Yanga wanaongoza ligi wakifuatiwa na Azam wenye poi nti 47.
Aussems amesema: “Tuna mechi ngumu Misri lakini bado haiwezi kuwa kigezo cha kutufanya tuache kuangalia ligi ya kuu kwa sababu tunataka kutetea ubingwa wetu bila ya kuangalia nani yupo juu, tutashinda mechi zetu ili kufikia malengo hayo maana tunataka kurudi huku.”
0 COMMENTS:
Post a Comment