SIMBA WAMEPANIA KWELI KUWAPA RAHA MASHABIKI, WAITA MPAKA POLISI KWA KAZI MAALUMU

UONGOZI wa Simba umesema kuwa katika mchezo wao wa Ligi ya Mabingwa Afrika dhidi ya JS Saoure ya Algeria kutakuwa na tiketi maalumu kwa mashabiki wa Simba zitakazoitwa tiketi za Platinum ambazo ni huduma zake ni za kibabe.

Ofisa Habari wa Simba, Haji Manara amesema lengo kubwa ni kuwafanya mashabiki wafurahie kuishabiki timu yao huku wakiwa katika nguvu moja kushangilia timu yao kubwa ikiwa Uwanjani.

"Tiketi yako itakupa fursa ya kuchukuliwa katika hoteli yenye hadhi ya nyota tano, Serena Hotel kwa kupelekwa Uwanja wa Taifa katika gari ya kisasa huku polisi wakiwa na vi'ngora wakitoa sapoti na ulinzi mkubwa.

"Itakuwa ni kwenda na kurudi Serena na wenye magari watayaacha kwenye hotel hiyo, ndani ya Uwanja wa Taifa ni mwendo wa kula bites, vinywaji na bata kama zote na zawadi ya jezi mpya na orijino ya Simba," alisema Manara.

Tiketi hizo zimeanzwa kuuzwa leo na zile za kawaida zitaanza kuuzwa Ijumaa asubuhi katika maeneo ya klabu ya Simba na maeneo mengine yatakayotangazwa, mchezo huo utachezwa Jumamosi Uwanja wa Taifa.