WACHEZAJI WATATU WA YANGA WANAMVUTIA CHAMA, HAWA HAPA....

Kiungo nyota wa Simba, Cleutus Chama amewataja wachezaji watatu wa Yanga wanaomvutia.

Chama amewataja wachezaji hao kuwa ni nahodha wa zamani wa Yanga, Kelvin Yondani, nahodha wa sasa, Ibrahim Ajibu na kinda Feisal Salum ‘Fei Toto’.

Kiungo huyo raia wa Zambia ameyasema hayo wakati akiwajibu mashabiki wake waliokuwa wakimuuliza.

Chama hata hivyo hakuweka maelezo mengi zaidi ya kuwataja wachezaji hao watatu baada ya kuulizwa wachezaji gani watatu wa Yanga wanaomvutia.

Kiungo huyo amekuwa akijibu maswali hayo kupitia mtandao wa kijamii.