WABABE WA SIMBA FA VITANI LEO LIGI DARAJA LA KWANZA

LIGI Daraja la Kwanza inazidi kushika kasi leo mechi kali ya wababe wa Simba kwenye kombe la FA, Green Warriors dhidi ya Mashujaa itapigwa Uwanja wa Mej.Jen.Isamhuyo.

Green Warrior walianza kuwatoa Simba FA mwaka 2017 Uwanja wa Chamazi kwa mikwaju ya penalti 4-3 baada ya dakika tisini kukamilika kwa sare ya kufungana bao 1-1, Mashujaa ya Kigoma mwaka huu hatua ya awali kwa mabao 3-2 uwanja wa Taifa.

Green Warriors wapo Kundi B wamecheza michezo 12 na wameshinda michezo minne, sare nne na kufungwa michezo minne wakiwa na pointi 16 nafasi ya saba.

Mashujaa FC wao wamecheza michezo 12 wameshinda michezo mitatu wamepoteza michezo sita, sare michezo mitatu wakiwa na pointi 12 nafasi ya 10.