MATOLA: SITAWAONEA HURUMA TANZANIA PRISONS LEO

KOCHA wa Lipuli, Seleman Matola amesema kuwa hatawaonea huruma Tanzania Prisons, leo kwenye mchezo wao wa ligi utakaochezwa uwanja wa Sokoine Mbeya.

Lipuli ina uhakika wa kubaki kwenye ligi msimu ujao kutokana na kuwa nafasi ya 6 wakiwa na pointi 49 huku Prisons wakiwa kwenye mstari mwekundu kutokana na kuwa na pointi 43 nafasi ya 16.

Akizungumza na Saleh Jembe, Matola amesema kuwa hakuna suala la huruma kwenye ligi ni lazima wapambane kupata pointi tatu.

"Ujue ni ajabu sana kuingia kwenye mchezo huku ukiwa na huruma, hakuna kitu kama hicho kwenye ulimwengu wa michezo, wachezaji nimewaambia lazima tupambane kupata pointi tatu muhimu," amesema Matola.