MBELGIJI KUSHUSHA MASHINE TANO MATATA

KOCHA mkuu wa Simba, Patrick Aussems amesema kuwa atakisuka kikosi makini chenye ushindani kwa kusajili wachezaji watano ambao wataongeza changamoto mpya ndani ya kikosi hicho.

Aussems amekiongoza kikosi cha Simba kutwaa ubingwa msimu huu akiwa na pointi 93 ikiwa ni sehemu ya mkataba wake mpya kutetea ubingwa huo.

"KIkosi changu kimekuwa na tatizo kubwa hasa kwenye upande wa beki ambapo Shomari Kapombe amekuwa akisumbuliwa na majeruhi hivyo ni lazima niwe na mbadala wake msimu unaofuata pia kwa ajili ya michuano ya kimataifa.

"Wachezaji watano ama wanne wa kigeni watakuwa muhimu kuwapata, kwa sasa nimekabidhi ripoti nasuburi tu wakati ufike," amesema.