KOCHA STARS AWAPA TANO YA KISHUJAA MASHABIKI

SELEMAN Matola, Kaimu Kocha Msaidizi wa timu ya Taifa ya Tanzania amesema kuwa mashabiki wanapaswa waendelee kuipa sapoti timu yao bila kuchoka.

Stars imefanikiwa kutinga hatua ya Makundi kwa ajili ya Kombe la Dunia mwaka 2022 nchini Qatar baada ya kupata ushindi wa penalti 3-0 mbele ya Burundi kutokana na kutoshana nguvu kwenye michezo yote miwili.

Kwenye mchezo wa kwanza uliochezwa nchini Burudi matokeo yalikuwa ni 1-1 sawa na ule wa marudio uliopigwa Dar na ulipelekea kuongezwa dakika 30 ila matokeo hayakubadilika.

Akizungumza na Saleh Jembe, Matola amesema kuwa nguvu ya mashabiki ina matokeo chanya na uwepo wao uwanjani una nguvu.

“Tunaona wachezaji wanfurahi kuona uwepo wa mashabiki uwanjani, pia kila mmoja anapenda kuona timu inapata matokeo hivyo sapoti ni muhimu.

“Kwa sasa mashabiki wanapaswa waendelee kutoa sapoti kuwani  inawapa hamasa wachezaji kufanya vizuri, ni jambo la kupongezwa kwa mashabiki kuwa na uzalendo,” amesema.