NYOTA HUYU MPYA WA SIMBA KUANZA KAZI KESHO NA MTIBWA, TAMKO LAKE HILI HAPA

NYOTA wa timu ya Simba, Ibrahim Ajibu ambaye amesaini kandarasi ya miaka miwili kuitumikia timu hiyo akitokea Yanga amesema kuwa maajabu yake yanaanza kuonekana kwenye mchezo wao dhidi ya Mtibwa Sugar.

Simba itamenyana na Mtibwa Sugar, kesho uwanja wa Uhuru baada ya ratiba kubadilishwa kwani awali mchezo ulipangwa kuwa Septemba 18.

Akizungumza na Saleh Jembe, Ajibu ambaye msimu uliopita akiwa ndani ya Yanga alitoa assisti 17 na kufunga mabao sita amesema kuwa Simba watampenda.

“Nimeanza maisha mapya sehemu nyingine tofauti na msimu uliopita sasa hesabu zangu ni kufanya vizuri kwa manufaa ya timu kwani timu inapofanya usajili inakuwa na malengo na mchezaji nami nina malengo yangu.

“Michezo yote kwangu ni muhimu hata unaofuata ambao ni dhidi ya Mtibwa tunataka kufanya vizuri kwa kushirikiana na wachezaji wenzangu kwa sasa kazi inaanza na tutapambana kwa ajili ya timu mashabiki watupe sapoti,” amesema Ajibu.

Mchezo wa kwanza Ajibu kutumikia akiwa ndani ya Simba ilikuwa dhidi ya JKT Tanzania uwanja wa Uhuru alicheza kwa dakika 13 baada ya kuingia dakika ya 77 akichukua nafasi ya Clatous Chama, Simba ilishinda mabao 3-1.