MTIBWA SUGAR YAPANIA KULA SAHANI MOJA NA SIMBA LEO TAIFA

UONGOZI wa Mtibwa Sugar umesema kuwa hauna mashaka na wapinzani wao Simba kwani wanawatambua vema watakula nao sahani moja leo kwa kusepa na pointi tatu muhimu.

Akizungumza na Saleh Jembe, Kocha Mkuu wa Mtibwa Sugar, Zuber Katwila amesema kuwa wapo tayari kwa ajili ya mchezo wao dhidi ya Simba hawana presha ya kuwakabili kwani walipoteza mchezo wa kwanza dhidi ya Lipuli.

“Linapokuja suala la kuikabili timu ndani ya ligi, hakuna utofauti mkubwa kwa kuwa wote tunawachezaji 11 uwanjani na mbinu ndizo zitakazotubeba, tunahitaji kupata ushindi mapema tukiwa ugenini hatuna presha yoyote.

“Mpira ni mchezo wa makosa na kinachobeba ushindi wa timu ni maadalizi kwa namna tulivyojipanga hakuna namna nyingine ya kufanya zaidi ya kuhitaji pointi tatu muhimu,” amesema Katwila.

Mtibwa Sugar itawakosa nyota wake watatu ambao ni Shaban Nditi, Salum Kihimbwa pamoja na Saley Hamis kutokana na kusumbuliwa na majeruhi msimu huu huku Simba ikiwakosa  John Bocco na Mbrazil Wilker da Silver.