REKODI HII YAMTESA KOCHA NAMUNGO, NYINGINE KALI ZA TPL ZITAKAZOPIGWA HIZI HAPA

NAMUNGO FC, iliyo chini ya Hitimana Thiery leo ina kazi ya kibarua cha kulinda ama kupoteza rekodi iliyoanza nayo msimu huu kwenye ligi kuu ambapo itamenyana na Mwadui FC ya Shinyanga iliyo chini ya Khalid Adam.

Namungo ambayo imepanda daraja msimu huu haijapoteza michezo miwili ya mwanzo iliyocheza uwanja wake wa Majaliwa jambo ambalo linamuumiza kichwa Thiery kuiendelea kuilinda.

Akizungumza na Saleh Jembe, Thiery amesema kuwa anajitahidi kutumia vema uwanja wa nyumbani ili akianza safari za kutoka kikosi kiwe kimejijengea hali ya kujiamini.

“Tuna kazi kubwa ya kufanya kulinda rekodi yetu hii inatokana na ligi ambayo tunashiriki kuwa na ushindani, kila kitu kipo sawa na tunajivunia kucheza nyumbani kwa kuwa tupo na mashabiki na morali ni kubwa,” amesema Thiery.

Mbali na Namungo leo pia mechi nyingine zitawahusisha JKT Tanzania dhidi ya Mtibwa Sugar uwanja wa Isahmuhyo, Ndanda dhidi ya Singida United, Mbeya City dhidi ya Ruvu Shooting na Mbao itamenyana na Kagera Sugar.