MBELGIJI WA SIMBA AWAPA KAZI NGUMU WACHEZAJI WAKE NDANI YA TIMU YA TAIFA

KOCHA Mkuu wa Simba, Patrick Aussems amesema kuwa ataona fahari wachezaji wake ambao wameitwa ndani ya kikosi cha timu ya Taifa ya Tanzania endapo watafanya kweli kwa ajili ya Taifa.

Nyota mpya wa Simba, Miraj Athuman’Sheva’ amekuwa shujaa ndani ya dakika 180 jambo linalofanya ujumbe huu kumhusu jumla anapoingia kwenye majukumu ya Taifa.

Stars kesho itamenyana na Sudan kwenye mchezo wa kuwania kufuzu michuano ya Chan inayotarajiwa kufanyika nchini Cameroon mwaka 2020.

Akizungumza na Saleh Jembe, Aussems amesema kuwa anaona fahari wachezaji wake wanapoitumikia timu ya Taifa kwani ni majukumu makubwa na yenye manufaa.

“Napenda kuona wachezaji wakifanya vizuri pindi wanapokuwa kwenye timu ya Taifa, nitapenda kuona kile ambacho wanakifanya wakiwa na timu wanafanya tena kwenye timu ya Taifa,” amesema Aussems.

Wachezaji wa Simba ambao wameitwa kikosi cha timu ya Taifa ni pamoja na Haruna Shamte, Gadiel Michael, Mohamed Hussein, Erasto Nyoni, Jonas Mkude, Mzamiru Yassin, Hassan Dilunga na Miraj Athuman ‘Sheva’.