HATIMAYE, LEO NDIO LEO MABONDIA KUZICHAPA LIVE USIKU WA MABINGWA

MABONDIA wa ngumi za kulipwa nchini, Issa Nampepeche na Ally Hamisi jana walipima uzito tayari kwa pambano la usiku wa mabingwa litakalofanyika leo kwenye Ukumbi wa Club 361 uliopo Mwenge, Dar.

Mbali ya mabondia hao wengine watakaopima uzito kwa ajili ya pambano  hilo ni  Said Sudi atakayezichapa na Maganga Kulwa, Ibrahim Makubi  dhidi ya Abdallah Kingolwira, Hashimu Msungo vs Epson Lewis  wakati Salumu Omari atamalizana na  Ramadhani Chicho huku yakiwa chini ya udhamini wa  Gazeti  la Championi, +255 Global radio, Smart Gin, Glady Matata na Kiwango Security.

Mratibu wa pambano hilo, Seleman Semunyu amesema kuwa maandalizi ya pambano hilo yamekamilika ambapo na mabondia walipima uzito kwenye Ukumbi wa Club 361.

 “Maandalizi yanakwenda vizuri kwa mabondioa wote ambao watapanda ulingoni siku hiyo ambayo itakuwa ni kazi moja tu ya kuwapongeza mabondia wetu ambao wamechukua mikanda ya ubingwa nje ya mipaka ya Tanzania.

                                                                   
" Ijumaa mabondia wenyewe ndiyo watapanda ulingoni, kikubwa mashabiki wa mchezo wa ngumi za kulipwa wajitokeze kwa wingi kushuhudia ngumi zikifanyika katika ustarabu wa hali ya juu kwa kiingilio kidogo,” amesema Semunyu.