HAWA WA SIMBA WAMECHEKA SANA NA NYAVU KWENYE MECHI DHIDI YA SINGIDA UNITED

LEO Singida United itaikaribisha Simba uwanja wa Sheikh Amri Abeid ikiwa ni mchezo wao wa tano tangu Singida United ipande daraja msimu wa 2017/18.

Timu hizi zimekutana kwenye mechi nne ambazo ni sawa na dakika 360 huku Singida United ikipoteza mechi zote nne na kuipa Simba jumla ya pointi 12.

Kwenye jumla ya mechi nne, Singida United haijawahi kuifunga Simba huku nyavu zao zikitikiswa mara 10. Mlinda mlango wa Simba Aishi Manula alikusanya clean sheet tatu ndani ya mechi tatu sawa na dakika 270, Deogratius Munish ‘Dida’ alipata moja kwenye mechi ya mwisho uwanja wa Namfua, Singida.

Mchezo wa kwanza uliochezwa kwenye uwanja wa Uhuru, Simba ilishinda mabao 4-0 yaliyowekwa kimiani na Emmanuel Okwi dk ya 75 na 82, Shiza Kichuya dk ya 2 na Asante Kwasi dk ya 24

Uwanja wa Namfua, Singida ilipoteza kwa kufungwa bao 1-0 lililolofungwa na Shomari Kapombe dk ya 24.

2018/19 Simba ilishinda mabao 3-0 uwanja wa Taifa mabao yalifungwa na John Bocco dk ya 18 Shiza Kichuya dk ya 49 na 55.

 Mchezo wa mwisho Singida United ilipoteza kwa kufungwa mabao  2-0 na Simba uwanja wa Namfua yaliyofungwa na Meddie Kagere dakika ya 9 na John  Bocco dk 61.