JOSE MOURINHO ATAJWA KUIRITHI MIKOBA YA POCHENTINO

JOSE Mourinho ni Mmoja anayetajwa kwenda kuchukua mikoba ya Mauricio Pochentino kuinoa Tottenham Hotspur.

Pochentino yupo kwenye presha kubwa kwa sasa baada ya timu yake kupoteza kwa kipigo cha mabao 7-2 na Bayern Munich kwenye mchezo wa Ligi ya Mabingwa Ulaya akiwa nyumbani.

Pia timu yake ilichapwa na timu ya Ligi Daraja la Pili, Colchester United katika michuano ya Carabao Cup.

Kichapo cha mabao hayo 7-2 inaelezwa kuwa ni kikubwa kwa timu hiyo kukipata tangu kuanzishwa kwake miaka 137.

Pochentino amesema kuwa hali wanayopitia kwa sasa ni ya muda tu mambo yatakaa sawa.