MANCHESTER UNITED YALIWEKA KWENYE TAGETI JEMBE LINALOHITAJI PAUNI MILIONI 10

MARIO Mandzukic, mshambuliaji wa Juventus amewekwa kwenye hesabu za Manchester United inayonolewa na Ole Gunnar Solskjaer.

United inampigia hesabu nyota huyo Kwa ajili ya dirisha la usajili la mwezi Januari ili kuimarisha kikosi chao hasa kwenye safu ya ushambuliaji ambayo inaonekana ni tatizo.

Dau la nyota huyo ni pauni milioni 10 ambazo United inapaswa itoe kupata saini ya mshambuliaji huyo.

Inaaminika kwamba Mandzukic huenda atakuwa msaada mkubwa ndani ya kikosi hicho ambacho kinawategemea Marcos Rashford ambaye kwenye mechi nane ametupia mabao matatu huku Mason Greenwood kwenye michezo sita hajaambulia hata bao.