NAMUNGO YAPANIA KUMALIZA BIASHARA MAPEMA LEO

HITIMANA Thiery, Kocha Mkuu wa Namungo FC amesema kuwa kazi ni moja leo kumaliza biashara mapema kwa kupata pointi tatu mbele ya Biashara United.

Namungo inashuka uwanja wa Karume leo ikiwa ni mchezo wake wa nane ipo nafasi ya pili imejikusanyia jumla ya pointi 13 baada ya kushinda mechi nne sare moja na imepoteza michezo miwili pekee.

Akizungumza na Saleh Jembe, Kocha Mkuu wa Namungo FC, Thiery amesema kuwa wametoa majukumu kwa wachezaji wote ili kupata ushindi mbele ya Biashara.

“Kila mchezo kwetu kwa sasa wapinzani wanatukamia inakuwa ni zaidi ya fainali, nimewaambia wachezaji wangu wapambane na tunahitaji pointi tatu muhimu," amesema.