SIMBA NA AZAM FC LEO NI VITA YA KIBABE, REKODI ZAO ZIPO NAMNA HII, AZAM WALIANZA KUITUNGUA SIMBA

IKIWA leo Simba na Azam FC zinashuka Uwanja wa Taifa jijini Dar kumtafuta mbabe atakayebeba pointi tatu muhimu kwenye mchezo wa ligi, rekodi zinaibeba Simba.

Mpaka sasa Azam FC ambayo imepanda daraja msimu wa mwaka 2008, imekutana na Simba mara 22 kwenye michezo ya ligi kuu na katika michezo hiyo Simba imeshinda mara nyingi zaidi kuliko Azam FC.

Katika michezo hiyo, Simba imeshinda jumla ya mechi 9 huku Azam FC ikishinda mechi 6 na zimetoshana nguvu michezo 7.

 Katika mechi zote hizo hakuna mchezaji aliyefanikiwa kufunga hat trick kwenye mchezo mmoja.

Jumla ya mabao 45 yamepatikana katika mechi hizo 22 ambapo Simba imefunga jumla ya mabao 26 na Azam FC ikifunga mabao 19.

Msimu wa kwanza walipokutana mwaka 2008, Azam FC iliitungua Simba mabao 2-0. Wafungaji ni Jamal Mnyate dakika ya 42 na Shekhan Rashid dakika ya 90.

Matokeo yao ya jumla yalikuwa namna hii:-2008-09 Azam 2-0 Simba, Simba 3-0 Azam FC. 2009-10, Simba 1-0 Azam FC, Azam FC 0-2 Simba. 2010-11 Azam 1-2 Simba, Simba 0-2 Azam. 2011-12, Simba 0-0, Azam 0-2 Simba. 2012-13, Simba 3-1 Azam FC, Azam 2-2 Simba.

2013-14, Simba 1-2 Azam FC, Azam 2-1 Simba.

 2014-15, Azam 1-1 Simba, Simba 2-1 Azam FC. 2015-16, Simba 2-2 Azam FC, Simba 0-0 Azam FC. 2016-17, Azam 0-1 Simba, Simba 0-1 Azam FC

2017-18, Simba 0-1 Azam FC, Simba 0-0. 2018-19 Simba 3-1 Azam, Simba 0-0 Azam.