ISHU YA DIDA WA SIMBA KUIBUKIA SHAMBA IPO NAMNA HII

DEOGRATIUS Munish ‘Dida’ aliyekuwa mlinda mlango wa Simba kabla ya kutemwa kwa sasa ameamua kujikita kwenye kilimo kazi ambayo alikuwa anaifanya kabla hajaja Bongo kutafuta maisha.

Akizungumza na Saleh Jembe, Dida amesema kuwa kwa sasa amejikita kwenye shughuli zake nyingine mbali na soka kwani maisha lazima yaendelee huku akifikiria namna ya kurejea kwenye soka la ushindani.

“Kikubwa ambacho nakifanya kwa sasa ni masuala ya kilimo na hata nilipokuwa nyumbani Kilimanjaro kabla sijaja Bongo nilikuwa ninalima na ninajua kazi ya shamba vilivyo siwezi kudanganya na nimerejea hivi karibuni Bongo nikitoka shamba.

“Maisha ya mpira yapo na ninatambua kuna majukumu mengine ambayo napaswa kuyafanya ikiwa ni pamoja na kwenye timu ya taifa ya Beach Soccer (Soka la ufukweni) pamoja na timu nyingine ambazo zinahitaji huduma yangu,” amesema Dida.