MANE MOTO CHINI AFUNGA BAO LA USIKU LA USHINDI KWA LIVERPOOL, YAIACHA MANCHESTER CIY POINTI SITA

SADIO Mane leo ameibuka shujaaa wa Liverpool kwa kuipa pointi tatu za ushindi mbele ya Aston Villa mchezo wao wa 11 ndani ya Ligi Kuu England.

Licha ya Aston Villa kuanza kuifunga dakika ya 21 kupitia Kwa Mahmoud Hassan halikufua dafu mbele ya Liverpool iliyo chini ya Jurgen Klopp.

Dakika ya 87 Andrew Robertson aliweka mzani sawa na kuongeza presha ya mchezo kwa timu zote kabla ya Mane kupachika bao la ushindi.

Kwenye dakika za nyongeza baada ya Liverpool kupata kona iliyomkuta Mane aliyemalizia kwa kichwa kilichonpoteza mlinda mlango dakika ya 90+4.

Ushindi huo unaiweka Liverpool kileleni ikiwa na jumla ya pointi 31 baada ya kucheza mechi 11 huku Manchester City wakiwa nyuma yao na pointi 25 tofauti ya pointi sita.