RAIS MAGUFULI KUZINDUA UWANJA WA SIMBA BUNJU

Na George Mganga

Uongozi wa klabu ya Simba kupitia kwa Mwenyekiti wa Bodi ya Wakurugenzi, Mohammed Dewji 'Mo' amesema watamualika Rais wa Jamhuri ya Muungano wa Tanzania, John Pombe Magufuli ili kuzindua viwanja vyao vya mazoezi Bunju, Dar es Salaam.

Mo amesema watamwalika Magufuli kuzindua viwanja hivyo ambapo kimoja ni cha nyasi asili na kingine ni bandia ambavyo kwa ujumla vinatarajia kukamilika ndani ya mwezi huu ama ujao.

Akizungumza na Idhaa ya Kiswahili ya Radio BBC, Mo amefunguka kukamilika kwa viwanja hivyo kumechelewa sababu ya mvua ambazo zimekuwa zikinyesha jijini Dar es Salaam na wakifikia tamati watamtumia barua Magufuli.

"Tumepanga kumuomba Rais Magufuli aje kuzindua uwanja wetu mara baada ya kukamilika," amesema Mo.

Baada ya mvua kukata, zoezi la ujenzi wa viwanja hivyo litaendelea tena kama kawaida na ndani ya mwezi huu ama ujao vinaweza kuanza kutumika kwa ajili ya mazoezi.