HATT-TRICK YA CHIRWA YAIPA JEURI AZAM FC, LEO KAZI NYINGINE TENA

UONGOZI wa Azam FC umesema kuwa leo watapambana mbele ya JKT Tanzania ili kuendeleza ubabe wao ndani ya ligi baada ya kushinda mabao 5-0 huku Obrey Chirwa akifunga hatt-rick mbele ya Alliance mchezo wao uliopita.

Azam FC itashuka kwenye uwanja wake wa nyumbani wa Chamazi kumenyana na JKT Tanzania ambayo ina kumbukumbu ya kupoteza kwa kufungwa mabao 3-2 na Yanga.

Akizungumza na Saleh Jembe, kocha msaidizi wa Azam FC, Idd Cheche amesema kuwa wana imani ya kufanya vizuri kwenye mchezo wao kutokana na wachezaji kupata morali kubwa.

“Wachezaji wanajua kazi yao na ushindi tulioupata mbele ya Alliance bado unatupa hali ya kujiamini zaidi tuna imani tutafanya vema kikubwa sapoti,” amesema.

Abdalah Mohamed 'Bares' kocha wa JKT Tanzania amesema kuwa wataonyesha kwa vitendo wakiwa uwanjani kutokana na maandalizi waliyoyafanya.