WACHEZAJI WAOMBWA KUTUMIA USHAWISHI KUPAMBANA NA CORONA

JUMA Mgunda, Kocha Mkuu wa Coastal Union amewaomba wachezaji kutumia ushawishi wao kama silaha katika kuhamasisha kupambana na Virusi vya Corona.

Janga la Corona kwa sasa limekuwa ni tishio kwa dunia ambapo limesababisha shughuli nyingi kusimama ikiwa ni pamoja na Ligi Kuu Bara kusimamishwa.

"Muhimu kwa wachezaji kwa sasa kutumia ushawishi wao kuwa silaha katika mapambano dhidi ya Virusi vya Corona ili kuwa sehemu ya kusaidia jamii katika mapambano.

"Virusi hivi ni hatari kitu cha msingi kinachotakiwa ni kila mmoja kuchukua tahadhari ili kuwa salama muda wote bila kusahau dua," amesema.