NDANDA V NAMUNGO, LEO NI LEO NANGWANDA SIJAONA

NDANDA FC iliyo chini ya Kocha Mkuu, Meja mstaafu Abdul Mingange itawasha moto kwa kukutana na Klabu ya Namungo FC kwenye mchezo wa kirafiki utakaopigwa Uwanja wa Nangwanda,Sijaona, leo.

Namungo iliyo chini ya Kocha Mkuu, Hitimana Thiery,ipo tayari kwa mchezo wa leo.

Mingange amesema kuwa mpango mkubwa wa mchezo huo ni kujenga kikosi imara ambacho kitaweza kumenyana na Biashara United, Juni 20 huku Namungo ikijiandaa na mchezo dhidi ya Coastal Union, Juni 13.

“Tupo vizuri tayari kikosi kimeripoti kambini na kuanza mazoezi kwa ajili ya mchezo wetu na tunaamini kuwa utatupa picha ya kile ambacho tumekipanda kwani hatukuwa na mechi kwa muda mrefu,” amesema Mingange.

 Thiery amesema kuwa hawana mashaka na mchezo huo wana imani watafanya vizuri.