AWESU AWESU, NIYONZIMA SABABU YA AZAM FC KUWAHI KAMBI 2020/21

 

UONGOZI wa Azam FC umesema kuwa uwepo wa nyota wapya watano ndani ya kikosi hicho ni sababu ya timu hiyo kuanza maandalizi mapema kwa ajili ya msimu wa 2020/21.

Azam FC imemalizana na nyota watano ambao ni viungo wanne Awesu Awesu,Ally Niyonzima,Ayoub Lyanga,Isamail Kada na David Kissu ambaye ni kipa.

Akizungumza na Saleh Jembe, Ofisa Habari wa Azam FC, Zakaria Thabit amesema kuwa walianza maandalizi tangu Agosti 5 lengo ikiwa ni kuwafanya wachezaji waanze kuzoeana mapema.

“Unajua tumesajili wachezaji wengi kwa sasa ni lazima tuanze maandalizi mapema lengo letu ni kuona kwamba wanazoeana mapema na kutengeneza muunganiko mzuri ambao utatupa matokeo chanya.

“Tumeshamaliza kusajili wachezaji watano malengo ilikuwa ni kuongeza nguvu kwa kusajili wachezaji nane hivyo bado watatu ili tukamilishe mapendekezo ya mwalimu, Aristica Cioaba,” amesema Thabit.