KAZE ATAMBA YANGA KUBEBA KOMBE LA MAPINDUZI

 

KOCHA mkuu wa klabu ya Yanga, Cedric Kaze amesema kuwa ana matumaini makubwa kuwa kikosi chake kitatwaa ubingwa wa michuano ya kombe la Mapinduzi katika fainali dhidi ya Simba itakayopigwa kesho kwenye Uwanja wa Amaan Kisiwani Unguja.

Yanga imetinga hatua ya fainali ya michuano hiyo baada ya kuiondosha klabu ya Azam kwa changamoto ya mikwaju ya penalti 5-4 kwenye hatua ya nusu fainali iliyopigwa jana Jumatatu.

Akizungumzia mchezo huo wa fainali Kaze amesema: “Tumejipanga kuhakikisha kuwa tunapata matokeo chanya kwenye mchezo wetu wa fainali dhidi ya Simba utakaopigwa kesho Jumatano.

“Tunajua utakuwa mchezo mgumu na wenye presha kubwa, lakini malengo yetu ni kuhakikisha tunashinda ubingwa wa michuano hii, ili kuzidisha morali ya kufanya vizuri zaidi pale tutakaporejea kwenye mzunguko wa pili wa Ligi Kuu Bara," .

Hii inakuwa ni fainali ya kwanza kwa Kaze kuingoza Yanga kupambana na Simba kwenye Kombe la Mapinduzi, Uwanja wa Amaan, visiwani Zanzibar.

Kaze kwenye mechi tatu ambazo ameongoza vijana wake ni mechi moja waliruhusu bao ilikuwa kwenye sare ya kufungana bao 1-1 dhidi ya Azam FC huku vijana wake wakiwa wamefunga mabao mawili.

Mchezaji wa kwanza kufunga alikuwa ni Zawadi Mauya alifunga mbele ya Namungo FC na wa pili alikuwa ni Tuisila Kisinda.