PATRICK PHIRI KUBADILI KIKOSI MECHI YAKE NA POLISI MORO JUMAMOSI

PHIRI AKIWA KAZINI ZANZIBAR NA KIKOSI CHA SIMBA

Kocha Patrick Phiri amesema atafanya mabadiliko katika kikosi chake kitakachoanza katika mechi dhidi ya Polisi Moro kwenye Uwanja wa Taifa jijini  Dar, Jumamosi.

Simba sasa iko Zanzibar ikijiandaa na mechi dhidi ya Polisi Moro ambayo itakuwa ni ya pili kwake msimu huu.

Phiri raia wa Zambia amesema kutakuwa na mabadiliko kadhaa ukilinganisha na kikosi katika mechi dhidi ya Coastal Union ambayo iliisha kwa sare ya mabao 2-2.
"Kuna mabadiliko kidogo nitafanya, hii si kwamba ambao nimewabadilisha hawakucheza vizuri.
"Kila mechi ina mipango, siijui Polisi lakini naamini tunatakiwa kujiimarisha zaidi," alisema Phiri.

"Unapocheza kila mechi unajifunza jambo, unaweza kushinda na bado ukafanya mabadiliko ya kikosi pia."

Katika mechi dhidi ya Coastal Union, Simba ilitawala kipindi cha kwanza na kufunga mabao mawili, ikaenda mapumziko inaongoza.

Kipindi cha pili, Coastal wakawazisha yote huku wakiendelea kuipa Simba wakati mgumu.