USAJILI WA SIMBA KUANZA NA WACHEZAJI HAWA

Liewig

Usajili mpya wa timu ya Simba utaanza na wachezaji kutoka ndani na mchezaji wa kwanza anayetafutwa ni beki wa pembeni.

Baada ya hapo, Simba itafanya kazi ya kusaka beki wa kati wa uhakika ambaye pia atatokea ndani ya Tanzania.

 

Hans Pope...

Habari za uhakika kutoka ndani ya Simba zimeeleza wachezaji wanaotakiwa ni watano lakini Simba imeanza kufanya mchakato wa wachezaji hao wawili.

“Baada ya hapo, tutaangalia wachezaji wengine kwani tayari tutakuwa tumepata ripoti ya kocha ya kuacha wachezaji wapi na kuchukua wa aina ipi” kilieleza chanzo.

Akizungumzia hilo, Mwenyekiti wa Kamati ya Usajili ya Simba, Zacharia Hans Pope alikiri kwamba wanahitaji wachezaji watano au zaidi lakini watafanya kwa kufuata ripoti ya Kocha, Patrick Liewig.

“Lakini siwezi kuwataja kwa kuwa kila kitu kinakwenda kwa mpangilio na siri kubwa. Tunataka mambo yaende kitaalamu zaidi.

“Najua mtakuwa mnataka kujua lakini ni vizuri sana kama mtatupa muda ili tuanze kujipanga na mambo mengi yatafanyika baada ya mechi ya mwisho dhidi ya Yanga,” alisema Hans Pope.

Simba imeyumba katika msimu huu, hali inayoifanya kamati hiyo chini ya Hans Pope kuwa na kazi kubwa ya kurekebisha mambo.