BEKI MGANDA ATUA SIMBA KUIMARISHA DIFENSI

Ssenkoom akimdhibiti Mrwanda wa Simba katika michuano ya Kagame msimu uliopita

Beki Samuel Ssenkoom wa URA ya Uganda amekubali kusaini mkataba wa miaka miwili kuichezea Simba.

Ssenkoon anayejulikana kwa jina la Kiboko nchini mwale, amesaini miaka hiyo miwili na ndiye anachukua nafasi ya Kelvin Yondani ambayo ilionekana haina mwenyewe msimu uliopita.

Simba ilianza mazungumzo na beki huyo wiki tatu zilizopita, kabla ya kufikia makubaliano.

Hata hivyo taarifa zinaeleza, kutua kwa Ssenkoom, maana yake huenda Mganda mwenzake, Mussa Mudde akaonyeshwa njia kwa kuwa ameshindwa kufanya vizuri.

Asubuhi na mapema leo, Salehjembe ilitandaza picha za wachezaji watatu ambao Simba imewasajili.

Simba imewasajili Zahoro Pazi, Baba Ubaya na Andrew Ntalla, kipa kutoka Kagera Sugar ambaye atachukuana kuwania namba na makipa wazoezi katika kikosi cha Simba.

Simba sasa inahaha kupata mshambuliaji, tayari imezungumza na wawili akiwemo mmoja kutoka Uganda na mwingine kutoka nchi moja ya Afrika ya Kati.

Simba imepania kuimarisha kikosi chake kabla ya kuanza msimu ujao ili irejeshe heshima iliyokuwa imeyumba.