POINTI 100 ZAWATIA KIWEWE BARCA, WAZIKIMBIZA KAMA UBINGWA

 
Ushindi wa mabao 2-0 dhidi ya Espanyol katika mechi ya jana ya La Liga, bado unaonekana hauna manufaa kama hawatashinda mechi ya mwisho.

Barcelona wanataka kufikisha pointi 100 hata kamatayari watakuwa wamechukua ubingwa wa La Liga.

Kocha Tito Vilanova amesema wanazifukuza pointi 100 kama ndiyo ubingwa na wamepania kufanya hivyo kwa kushinda mechi ya mwisho.

Katika mechi dhidi ya Espanyol, mabao ya Barca yalifungwa na Alexis Sánchez na Pedro Rodríguez, moja katika kila kipindi.

Tayari Barca wamekabidhiwa ubingwa wa La Liga ambao wamewapokonya wapinzani wao wakubwa Rea Madrid waliomaliza msimu bila ya kuwa na kombe hata moja.