INIESTA ALIA NA MOURINHO KUWA KAHARIBU SOKA LA HISPANIA

Iniesta akiwa na Casillas..

Pamoja na kwamba wengi wamewahi kuzungumza, kiungo nyota wa Barcelona, Andres Iniesta naye amefunguka.

Iniesta amefunguka na kusema kocha wa zamani wa Real Madrid, Jose Mourinho ameharibu soka la Hispania.

Iniesta amesema kuna mambo mengi yamefanyika wakati wa kocha huyo hayakusaidia soka la nchi hiyo.

Lakini ajabu, Iniesta hakutaka kuendelea kufafanua baada ya kuombwa na waandishi kufanya hivyo, mwisho akasisitiza.

“Inawezekana sijaeleweka, lakini sijisikii kulizumgumzia hili.”

Upande mwingine inaonekana ni kama sehemu ya kumuunga mkono rafiki yake, Iker Casillas aliyekuwa katika mgogoro mkubwa na Mourinho ambaye alimuweka benchi kwa zaidi ya mechi 20.