LEO NIMETUA KATIKA MJI WA WEISBADEN; NIMEKUJA KUWAONA WASHIKAJI ZANGU WA KITAMBO MMOJA ALIWAHI KUFANYA KAZI GLOBAL PUBLISHERS; WAMENIFUNDISHA MCHEZO WA AINA YAKE:::

Kutembea kwingi, kuona mengi, leo nilisafiri kwa saa tatu na nusu kutoka mji wa Freiburg kuja hapa Weisbaden.

Lengo ni kuwatembelea rafiki zangu, Mmoja ni Veronica aliyewahi kufanya kazi Global Publishers nami kwa muda wakati aiwa nchini Tanzania.

Alisisitiza nisiondoke Ujerumani bila ya kuwaona, yeye na washikaji zake wengine ambao ni wanafunzi wa Chuo Kikuu cha Mainz kasoro Sarah (dada wa kulia kwangu), tulijumuika na kucheza mchezo uitwa Crockett, si cricket.

 

Baadhi ya mitaa ya Wiesbaden

Sijawahi hata kuuona, hakika ni mzuri na nimeahidi nikirudi Tanzania ntaendeleza kasi.

Mwepesi lakini unahitaji akili sana na mwisho unaondoa hata uchovu. Inawezekana tukajifunza vitu vingi kupitia michezo, si lazima soka.

Naendelea kubaki hapa Weisburg kwa siku moja kabla ya kutembelea Mainz kwa nusu siku, baadaye nitarudi Frankfurt ambacho ni kituo cha mwisho.

Kabla ya kwenda kucheza walinipitisha mitaani kwanza...hapa ni saa mbili usiku..mwanga usikupoteze maana ndiyo kawaida hapa Ujerumani kwa kipindi hiki

Hakika kutembea kwingine ni kuona mengi, ingawa hii si safari yangu ya kwanza hapa Ujerumani, lakini safari hii nimejifunza mambo mapya tena.

Nashukuru sana Vero, Sarah, Rajos na washikaji wengine kwa ukarimu wenu nikiwa hapa Weisburg, moja ya miji inayovutia kabisa ya Ujerumani.

Danke.