LARSSON AWEKA REKODI YA AINA YAKE, ACHEZA TIMU MOJA NA MWANAYE AKIWA NA MIAKA 41

 

Henrik Larsson ameweka rekodi ya aina yake baada ya kucheza na mwanaye akiwa na umri we miaka 41.

Larsson amecheza timu mmoja ya daraja la nne nchini Sweden inayojulikana kwa jina la Hogaborg akiwa na mwanaye Jordan mwenye umri wa miaka 15.

Mshambuliaji huyo wa zamani wa Celtic, Manchester United na  Barcelona aliamua kupasha viatu vyake baada ya kutocheza soka kwa kipindi kirefu.

Uamuzi wake wa kucheza ulitokana na kwamba yeye ni kocha msaidizi lakini asilimia kubwa ya wachezaji wake tegemeo walikuwa majeruhi, hivyo akaamua kuingia na kusaidia.

Mwisho timu hiyo ilifanikiwa kuibuka na ushindi wa mabao 4-2 na kufanikiwa kujiweka katika nafasi nzuri ya kuepuka kuteremka.

Jordan naye alifanikiwa kufunga bao moja na kutoa msaada mkubwa kuisaidia timu hiyo kufanya vizuri siku hiyo.

Larsson alisema inawezekana angefurahi sana kama angempa pasi mwanaye ili afunge na kuahidi siku moja atafanya hivyo.

Wakati akiwa anaichezea Celtic ya Scotland, Larsson alikuwa akienda uwanjani na mwanaye huyo ambaye pia alikuwa akivaa jezi za timu hiyo zenye rangi ya kijani na nyeupe.

Akiwa na miaka 15, tayari Larsson ameshapata nafasi ya kuichezea timu ya taifa ya Sweden chini ya miaka 16.