MARIO GOTZE AWATIBUA WADHAMINI WA BAYERN MUNICH SIKU YA KUTAMBULISHWA

Gotze akitambulishwa...

Mshambuliaji mpya wa Bayern Munich, Mario Gotze ameingia matatizoni na wadhamini wa klabu yake mpya baada ya kuvaa jezi ya Nike wakati wa utambulisho.

Bayern wanadhaminiwa na kampuni nyingine ya vifaa vya michezo ya Adidas ambayo ni wapinzani wakubwa wa Nike sokoni.
 

Kirchhoff akitambulishwa..

Gotze aliwasili leo mchana na kutambulishwa kwa waandishi wa habari akiwa ni mchezaji wa kwanza kusajiliwa baada ya kocha mpya wa Bayern, Pep Guardiola kuanza kazi.
 

Fulana aliyovaa Kirchhoff

Mshambuliaji huyo anayetokea Borussia Dortmund anadhaminiwa na Nike, ndiyo maana alivaa fulana hiyo yenye neon Nike kifuani.

Adidas wamekuwa wadhamini wa muda mrefu wa Bayern lakini pia ni sehemu ya wamiliki wa klabu hiyo kwa kuwa wanamiliki asilimia 9.1 ya hisa za klabu hiyo na Mkurugenzi wa Adidas, Herbert Hainer ni mjumbe wa bodi wa klabu hiyo.

Ukiachana na Gotze, beki mpya wa Bayern, Jan Kirchhoff aliyetokea Mainz naye alivaa fulana yenye maneno 'Go Like Hell' ambayo pia imetengenezwa na Nike na kusababisha utata mkubwa zaidi.