YONDANI, CHUJI WAMTIBUA ERNIE BRANDTS

 

Chuji...

Kocha Mkuu wa Yanga, Ernie Brandts ameonyesha kukerwa na kitendo cha wachezaji wake wawili kushindwa kutokea katika mazoezi leo.

Yanga ilianza mazoezi leo asubuhi na wachezaji watatu tu hawakutokea ambao Haruna Niyonzima, Kelvin Yondani na Athumani Idd ‘Chuji’.

 

Yondani..

Akizungumza na Salehjembe, Brandts raia wa Uholanzi alisema hakufurahishwa na kitendo cha Yondani na Chuji kutotokea mazoezini.

“Meneja aliniambia wote aliwasiliana kasoro Niyonzima pekee ambaye hakufanikiwa kumpata. Lakini Yondani na Chuji hawajaja mazoezini.

“Wao ni wachezaji wa timu ya taifa pia, walipaswa kuwa mfano na kujua nini cha kufanya, sijafurahishwa na kitendo hicho na ninatapenda kupata maelezo watakapoanza mazoezi.

“Ila kwa sasa nimewapa ruhusa wachezaji wote wa timu ya taifa kwa kuwa wataanza mazoezi kesho, najua pia wao wataungana na timu ya taifa lakini nitazungumza nao wakirudi,” alisema Brandts.

Yanga walifanya mazoezi mepesi leo kwenye viwanja vya Shule ya Sekondari ya Loyola iliyo Mabibo jijini Dar es Salaam, kabla ya kocha huyo kuzungumza na baadhi ya wachezaji wake na baadaye kuwaruhusu.