TANZANIA YAPOROMOKA VIWANGO VYA SOKA FIFA KWA NAFASI 12

Baada ya kufungwa na Morocco na Ivory Coast kwenye michuano ya kutafuta tiketi ya kucheza fainali za Kombe la Dunia mwakani, Tanzania imeporomoka kwa nafasi 12 kwenye ubora wa soka dunia.

Katika msimamo uliotolewa na Shirikisho la Soka la Kimataifa (Fifa) jana, Tanzania imetupwa hadi nafasi ya 121 kutoka nafasi ya 109 iliyokuwa mwezi uliopita.

Hali hii imetokea kutokana na matokeo mabaya ya michezo hiyo miwili ya mwezi uliopita, awali ilichapwa na Morocco mabao 2-1 na ikaja nyumbani ikakubali kichapo cha mabao 4-2 toka kwa Ivory Coast.

Hispania imeendelea kuongoza kwa ubora duniani ikiwa katika nafasi ya kwanza ikifuatiwa na Ujerumani, huku nafasi ya tatu ikishikwa na Colombia.

Ivory Coast wanashika nafasi ya 13 kwa ubora duniani wakiwa nafasi ya kwanza kwa ubora Afrika. Tanzania inashika nafasi ya 35 kwa ubora huo kwa bara la Afrika.