NGASSA KINYONGE AISHUHUDIA YANGA IKIICHANA AZAM FC AKIWA JUKWAANI

 Mshambuliaji mpya wa Yanga, Mrisho Ngassa ameishuhudia timu yake ikibeba Ngao ya Jamii kwa kuichapa Azam FC kwa bao 1-0 akiwa jukwaani.

Ngassa alikuwa katika jukwaa la upande wa mashabiki wa Yanga akishuhudia mechi hiyo hiyo kwenye Uwanja wa Taifa, Dar.

Mashabiki wa Yanga waliripuka kwa furaha kubwa baada ya kumuona Ngassa akipanda jukwaani hapo na kuketi.

Mshambuliaji huyo anatumikia adhabu ya TFF kukosa mechi sita za mashindano hiyo ya Ngao ya Jamii ikiwa ya kwanza.

Pia ametakiwa kulipwa Sh milioni 45 kwa kuwa alichukua Sh milioni 30 za Simba na Sh milioni 15 ni nyongeza ya asilimia 50 kama adhabu.

Ngassa alisaini kuichezea Simba lakini baadaye akasaini kuichezea Yanga hali iliyozua mkanganyiko huo.